லயம் பிறழ்ந்து கொண்டே இருக்கிறது. பிறழ்ந்தாலும் மீண்டும் வந்து ஆதார லயத்துடன் கூடிக் கொள்கிறது. சில சமயம் உடனடியாக. சில சமயம் நீண்ட நேரம் பொறுத்து. இந்த பிறழ்வு நாட்கணக்கில், மாதக்கணக்கில், ஆண்டு கணக்கில் நீண்டு போகலாம். திரும்ப வந்து கூடாமற் போகலாம் - வால் நட்சத்திரங்கள் போல். சில நீள் வட்டத்தில் பயணம் செய்து ஏழாண்டுக்கொருமுறை, பத்தொன்பது ஆண்டுகளுக்கு ஒருமுறை, முப்பத்தைந்து ஆண்டுகளுக்கு ஒரு முறை. . . சில அகன்ற நீள் வட்டத்தின் முடுங்கிய முனை போல வந்து, கூடிப் பின்பு திறும்பப் பறந்தே போய்விடலாம். . .

எவர் தயாராக குழியில் கால்நீட்டிக் கொண்டு, சாவை விரும்பி தவம் செய்து கொண்டு, போதத்துடன் கிடந்துவிட முடியும் ? வருகின்ற சாவு எப்போதும் தன்னைத் தாண்டி அடுத்தவனிடம் தான் போகும் என்றொரு நம்பிக்கை

எல்லாமே தற்காலிகமான விஷயங்கள் தான்.

நேற்றை இன்றால் எப்படியும் ஜெயங்கொண்டு கைப்பற்ற முடியாது.

இப்படியே ஒரு நாள் எல்லாம் நேற்றாகிப் போகும். ஆகிக் கொண்டிருக்கிறது.